ماذا يجب أن نفعل؟

26 آب، 2011

مقالي على موقع المندسة السورية، ماذا يجب أن نفعل؟، بوست: شوية شوية عم تطلع رؤية منظمة ومخطط واضح. لسا في شغل كتير.

النص لا يزال مفقود

تعليق أبو سعيد: من موقعي كمتظاهر شبه يومي في حمص أقول أن لم يعد من المجدي توقع زيادة عدد المتظاهرين يعني يلي بدو يطلع طلع وخلص الناس للأسف بلشت يصير عندها حالة ملل وخصوصا برمضان يعني كل يوم مظاهرة ويوم الجمعة مظاهرتين لازم يزيد الضغط الخارجي ليعطي قوة وثقة للمتظاهرين

تعليق بلبل الحرية: مقنع وحكي كتير مهم لكن فيه بعض الثغرات. أولاً مبين الأخ من دمشق ولسا في أمل الناس تطلع بس متل ما قال الأخ الحمصي، المدن التانية خلص كازها واللي بدو يطلع طلع. وكذلك قال أنه التنسيقيات شغلتها إعلامية. هذا يصدق على دمشق، في بقية المدن التنسيقيات تنظم وتقود. ثانياً، الحكي عن أولاد البلد وشامي أصلي وحلبي من برا كلام فاضي وما رح يأمن التلاحم اللي بتريده. إذا الناس بدها تطلع بتنسق بين بعضها سواء كانوا ولاد بلد أو من بره. يعني الشغلة فيها شوية عنصرية وتحيز. خذ مثال حي البياضة في حمص. أول من قام بالتظاهر وهو الحي الأكثر اختلاطاً في حمص ومعظم أهله قادمين جدد. الأمر كله بالتنظيم. روح حكي مع الناس وفرجيهم إنك منظم وبتعرف تقود مظاهرة وإنه معك ناس عم تحرس وتراقف المخابرات والشبيحة وإنه عندك دكتور بالبيت رح يعالج المصابين وإن إذا واحد انكمش في شاب مختصين رح يخلصوه وقتها الناس بتجي. أما الإعتقال شربة مية فهذا كلام مسيء، يمكن بالشام ما عمل يضربوا كتير بس بالمدن التانية الإعتقال كسر عظام وتحطيم معنويات. بس رح تطلع بعد يومين إذا ما إسمك معهم، يعني القيادات بدها تعمل سراً. ثالثاً. يمكن عم تحكي عني لأني أنا اقترحت حرق مراكز الأمن. أنا معك المراكز بالشام قلاع بس بالمدن الأصغر والقرى الحال أخف بس بدها استخدام شوية أسلحة خفيفة أو أر بي جي بس ممكن كمان مقلاع لقذف المولوتوف. معك إنه في معتقلين وهدا شي لازم نفكر فيه بس الغرض هو تحطيم البنية التحتية للقمع. أنت قلت الباصات عظيم، بدك المرآب كله وهدا يعني كذلك شوية أسلحة فردية بهجوم سريع أو ضرب الباصات وهي في الطرقات. رابعاً لا تحلم أبداً بضربات جوية من الخارج لأنها مكلفة جداً وما حدا بيقدر يعملها إلا الأمريكان. وهدول بدهم موقف من إسرائيل والذي منه. نعم هم قرفانين من حكم الأسد وتحالفه مع إيران بس ما رح يتدخلوا لو قتل نص الشعب. اللي بيهمهم إنه النظام عم يضعف وإنه مافي أزمة لاجئين لبلدانهم. يعني كل ما النظام استوحش رح يهددوه بالمحكمة الدولية بس ما رح يتدخلوا. يعني إنشقاق الجيش لا تعول عليه والأحسن التركيز على المخابرات. خامساً المعارضة الخارجية اغسل إيدك منها هدول أحزاب كل حزب فيه عشرو عشرين شخص وما معهم مصاري. إلا الأخوان فوراءهم تركيا تنظم المؤتمرات من أجلهم وتدحشهم دحش في أنوفنا. إذا بدك ناس بالخارج تتفاوض بإسمك بدك أساتذة جامعة غير مسيسين وبدك دعم مادي وبدك تسمع نصائحهم. وهدول رح يتفاوضوا بإسمك مع دول كبرى ورح يكون مطلوب منهم تنازلات ومواقف محددة. يعني متل ما اللي جوا أدرى بالنظام اللي بره أدرى بالدول الكبرى. بدها الشغلة تحالف ومرونة بالرأي وقدرة على تقبل النمشورة. سادساً أرجوك لا تقول للناس إنه النظام رح يسقط من تلقاء نفسه بسبب إنهيار الإقتصاد أو إنشقاقات بالجيش. موارد النظام المالية مختلفة عن موارد الدولة. والإضرابات العامة للتجار والأعمال الحرة لا تؤثر فيه بل تفقر التجار أنفسهم. بدك تعمل إضراب يشل النظام بتعمل إضراب بمصانع الدولة أو بمؤسساتها وهذا ما رح يصير. الأفضل هو تكثيف التعامل مع التجار غير الموالين وضرب مصالح الموالين. بلا الإضرابات لأن الناس رح تموت من الجوع وشوف حمص وغيرها لأن الشام لسا ما تأثرت. النظام ما رح يسقط بشهر أو شهرين بدو سنة أو سنتين. لسا عم نلعب عالخفيف ونجس نبض ونجرب طرق للضغط. بدك تنظيم بدك تعبئة بدك تثقيف بدك تضرب البنية التحتية للقمع شوية شوية بدك تجيب بدائل بدك تعمل تحالفات مع دول وشرائح كاملة من المجتمع بدك مصاري. إنت بتعرف إن المعرض بالخارج بيحط من جيبته ليحضر مؤتمر اللهم إلا المدعومين من دول متل تركيا أو أمريكا أو اللي شغلتهم حقوق الإنسان وبيطلعوا مصاري من حضور المؤتمرات.

تعليق بلبل الحرية: أخ محمد مشكور. كل يوم في مستجدات وتقييم الوضع بيتغير. بس إذا بدك فعلاً تسقط النظام بدك تشل حركته أي تشل حركة جهاز القمع مش الجيش لأن الضابط والجندي بيروح عالفرع وبياكل قتلة متلو متل غيره. الواضح من حادثة كفر سوسة إنه النظام عم يعتمد على النقل السريع للشبيحة يعني ما عندو شبيحة بكل شارع وكذلك ما عندو شبيحة إضافيين. يعني الجماعة اللي عندهم طالعوه. الجيش اللي بيوثقوا فيه نشروا وما فينهم يسحبوه والشبيحة اللي عندهم موزعينهم على المحافظات وبيضلوا عم ينقلوهم من محل لمحل بهالباصات متل رحلات المدارس. سفت وين نقطة الضعف. الشبيح اللي بيموت مافي غيرو والشبيح اللي بيروح على كفر سوسة بيفضى محله بدوما. يعني الشغلة بدها خدعة. عملوا شوشرة كبيرة بشي محلين وأوهموا النظام إنه رح يصير شي كبير وهي خدعة، يعني بقية الناس بتروح على المحل الهدف متل ساحة العباسيين. وهدا بدو ناس مساعدة تاكل ضرب وتصمد ليخدعوا الشبيحة ولبين ما رفقاتهم يوصلوا لمكان الهدف. هدا أول نصر وبيرعب النظام لأنه بشار ما عندو أفكار متل ما بتعرف وإذا بتضرب له مخططه بيخاف لأنه ما عنده غيره. هدا النصر بيضل معنوي لأن أي اعتصام رح يحسنوا يفضوه بإطلاق نار كثيف وقتل شي عشرين شخص متل ما صار بحمص. يعني بدك أنتصار تاني. لاحظ إنك لهلق عم تتعب الشبيحة بس ما عم تتخلص منهم. أفضل حل برأيي إنه الباص يقلب فيهم. كيف؟ بدها شوة عنف. إذا عم يحكوا على عصابات خفية فهي جريمة ودفعنا تمنها مقدماً من دون ارتكابها ويمكن صار لازم نرتكبها. ما قصدي اشتباكات مسلحة، لا لا هادا برعب المتظاهرين. قصدي إرهاب الشبيحة أنفسهم لحتى يحسبوا ألف حساب قبل ما يهجموا. شوف بحمص الشبيحة ما بيدخلوا جوات الحواير لأنهم رح يموتوا. لما الناس بتوصل لهالمرحلة رح تعرف بقية الطريق لأنه رح تتغير عندها قواعد اللعبة ولأنه رح يكون عندهم أفكار وخبرة أكتر مني. الفكرة الاساسية تهديم وإيقاف آلة القمع والشغلة بدها تجريب. بعدين لازم يكون في مناطق حدودية جاهزة للإنفصال عن النظام. طبعاً هاذا مو الحل لأانه يعني بداية حرب، بس هذا ضمان للناس اللي ما إلها طريق رجعة ويمكن نكون بحاجة إلو في المراحل النهائية. بس بتركيزنا على دمشق ما لازم ننسى إنه عمق الثورة هو في بقية المحافظات اللي تواجد النظام فيها أقل. يعني عملية التطهير لازم تكون أسرع ببقية المحافظات. هدا اللي عندي الآن. زيدمن عندك

تعليق طربوش مندس: لازم تشلوو حركة باصات الشبيحة، والتركيز عالدواليب ، والفيول.

تعليق جمال: كلامك سليم ويجب نشر المقال وفعلا ضعف التنسيق بحلب ودمشق موضوع واضح بس في نقطتين بحب اعطيي رايي فيهم : انت قلت لاتوجد ثورة سلمية فاشلة وانا بقلك مافي ثورة سلمية(تنجح بانقلاب الجيش مثل مصر وتونس ورومانيا ) نجحت غير اعتصام غاندي وكانت بريطانيا تعبانة من الحرب وعلى شفا انهيار وانسحبت ..بلنسبة للاضراب حباب لاتطلب من المدن المنتفضة هدا الموضوع لانو الوضع المادي بهدلة وماحدا متاثر غيرن والرواتب ماعم تندفع وحااالة …واخيرا للاخ بلبل صح الموضوع بده مصاري وعفكرا هلمصاري عم تنلم وتدبر ولاتخاف مبالغ مرتبة وفوق ماتتصور…

تعليق بلبل الحرية: طمنتني. التنظيم بدو ناس متفرغة وهاي بدها شوية مصاري لتدعم نفسهاز وبعدين في الناس اللي بدها تطلع لبره مشان دبلوماسية ومؤتمرات. اللي بره بيجمعوا مصاري بس للإغاثة ومافي تنسيق لبناء جهز تمثيلي منفصل عن دول مانحة متل تركيا. لازم التنسيقيات تختار أشخاص من الخارج إختيار لتمثيلها وجمع أموال باسمها والقيام بحراك سياسي باسمها. شيلك من المعارضة هدول قاعدين ورايقين وبينتخبوا مكمثلينهم إيمت ما بدهم يعني لما بيخلصوا مناقرة متل الولاد.